Home 休閒生活 電影世界 《玩轉身後字》 THE LAST WORD 即將洗甩負皮

《玩轉身後字》 THE LAST WORD 即將洗甩負皮

495
分享

殿堂級金像影后 莎莉麥蓮 《孤星淚》雅曼達施菲

霸道老強人遇上寸咀小編    改寫結局就在今天

職場女強人有控制狂一啲都唔出奇,但退咗休嘅「商界女皇」,瘋狂到連自己嘅訃文都唔放過!唔通佢知道自己得罪人多,所以要先發制人,藉機為自己美言一番,先死得眼閉?無論阿女、前夫、前同事,甚至牧師都對她鬧不絕口,負評如潮,如果你係寫訃聞嗰個又會點樣落筆?

分別飾演過氣女強人及訃聞小編嘅荷里活殿堂級影后莎莉麥蓮(Shirley MacLaine)及《孤星淚》(Les Misérables)索女雅曼達施菲(Amanda Seyfried),仲會親自擔任監製,為觀眾獻上呢部勵志喜劇作品《玩轉身後字》(The Last Word)。電影雖然從一則訃聞出發,但劇情輕鬆幽默,結合親情、友情,以至追夢、生死等人生主題,睇完令人會心微笑,啱晒同屋企人一齊睇!

國際影評大愛 不老花旦贏盡掌聲

莎莉麥蓮光芒四射,提升了電影層次

Variety

莎莉麥蓮寶刀未老,再度締造令人難忘的角色

Film Journal International

導演選角出色…帶來人生精彩一課

Hollywood Reporter

歡喜冤家式喜劇,主角配搭妙趣橫生

Boston Herald

從影超過60年、月尾就83歲嘅金像影后莎莉麥蓮,雖然已經獲得各大電影獎項頒發終身成就獎,但依然活躍於影壇,受到唔少後輩演員崇拜。今次佢演嘅角色,性格同現實中嘅佢如出一轍,努力以女性身份,為工作堅持同努力。編劇更透露,片中退休女強人嘅角色完全係為佢度身訂造:「佢係成部電影嘅靈魂,莎莉具備角色所需要嘅特性,獨一無二!」

為挽名聲轉死性 控制狂捉緊最後光景 孖住索女玩鋪勁

退休女強人夏蕙(莎莉麥蓮 飾)係控制狂,連自己嘅訃聞點寫都要話晒事。但係年輕訃聞小編安安(雅曼達施菲 飾)發現夏蕙臭名遠播,連最親近嘅人都對佢負評如潮。於是,安安為咗幫夏蕙挽回名聲,列出必做清單,要佢捉緊人生最後光景玩鋪勁!兩人相處之下,安安發現夏蕙不為人知嘅一面,仲同佢漸漸建立起忘年友誼。佢哋從彼此身上搵番遺忘已久嘅生活熱情,不知不覺間改寫咗彼此嘅生命……

上映日期待定

主演莎莉麥蓮、雅曼達施菲

導演馬克普林頓

級別:IIA
片長:108分鐘

片種:劇情, 喜劇

預告:https://youtu.be/8mTJkOuULcw

Facebook Comments