Home Yesmen Star 新郎的壓力

新郎的壓力

23
分享

通常我哋見到嘅新人都會係新娘子比較緊張婚禮,新郎通常係”你話事啦”,就哂未來老婆,真係羨煞旁人, 除咗新郎哥喺結婚時體貼未來老婆之外,其實新郎從男性角度看,一般都以為籌辦婚禮很簡單,只要自己確定喜歡嘅婚禮服務店舖就ok,真係可以提前慶祝大功告成 ,婚禮便會自然順暢咁產生,對大部份新郎嚟講,最大嘅壓力,就係支付各張賬單, 呢點好易理解,一般嚟講,做好 budget Planning 嘅話,應該無咩太大問題,因為真係架…結婚其實真係豐儉由人。

除此之外,其實新郎可能估唔到嘅係都需要付出心機同時間, 例如突然間品味要提升,對太太婚紗款式要畀到有質素嘅意見,太"巷"嘅意見唔收貨,全都當作"你唔愛我"啦,好大件事;另外,亦都要參與又或攞出時間安排全日嘉賓嘅工作,每個親戚每個朋友都有唔同要求,呢位親戚唔可以同果個鄉里坐埋一齊,會打交;果位老友預佢一雙一對嚟,但又唔可以見到同佢同場出現果位Ex,否則上演真實版家變,呢D都係一般新郎冇預計嘅壓力。

無論如何,結婚係件開心嘅事 ,開心嘅壓力係可以預見,唔應該鑽牛角尖,變成太大嘅壓力;如壓力真係太大,請相信身邊嘅朋友及工作團隊,應該可以分憂。


籌備一個充滿浪漫回憶的婚禮,為新人快狠準地節省時間精力和心血,正是現今都市人不斷增加的需求。為繁忙的都市人,為朋友甚至為自己籌劃這條幸福開心道路,每天工作的每一個細節都充滿開心、歡樂、幸福!一想起可以在自己的學院再培訓出更多專業婚禮統籌師,就是這樣啟動出更多個八年教授快樂課程的❤。

ACA課程查詢:http://www.weddingmaster.com.hk/web/academy.html

Facebook Comments