Home 休閒生活 電影世界 《沙灘拯救隊》 Baywatch 6月1日 火辣登場 (5月25日開始上映優先場)

《沙灘拯救隊》 Baywatch 6月1日 火辣登場 (5月25日開始上映優先場)

842
分享

90年代經典美劇改編 型男索女FIT爆回歸

經典美劇《沙灘拯救隊》(Baywatch)由1989年拍到2001年,總共11季,熱爆90年代;其故事情節圍繞沙灘救生員嘅營救工作同浪漫戀情展開,最大賣點莫過於異常吸睛嘅救生員組合,連性感女神Kate Upton都模仿過攞住救生板喺海邊奔跑嘅經典養眼場面。

男神碩克艾佛朗狂曬肌肉 《加州大地震》索女震爆沙灘

當年嘅經典角色固然無可取替,但電影版嘅選角絕對可媲美當年。去年獲《People》選為「全球最性感男士」嘅《加州大地震》(San Andreas)動作巨星狄維莊遜(Dwayne Johnson),將會聯同《賤鄰》(Neighbors)系列陽光型男碩克艾佛朗(Zac Efron)喺沙灘大曬肌肉。而女救生員除咗有惹火辣模嘉莉洛芭克(Kelly Rohrbach)、艾芬妮舒哈德拉(Ilfenesh Hadera)外,《加州大地震》矚目女星愛麗珊德拉達迪莉奧(Alexandra Daddario)亦會入隊,再同狄維合作;另外,寶萊塢賣座女星彼欣嘉卓芭拉(Priyanka Chopra)嘅演出,令惹火指數更加爆燈!據聞當年嘅經典男女主角大衛夏素荷夫(David Hasselhoff)同彭美拉安德遜(Pamela Anderson)亦都有份演出。總之,今個夏日海灘波濤洶湧,「肌」不可失,觀眾小心暈晒大浪,全身濕晒!

電視原創班底監製 《邊個波士唔抵死?》導演又一力作

既然幕前陣容咁進擊,幕後班底又點會輸蝕!狄維莊遜及電視版嘅3位原創作人:米高伯克(Michael Berk)、道格拉斯史華茲(Douglas Schwartz)同格雷高利邦楠(Gregory J. Bonann)都會擔任監製;此外,執行監製陣容更包括《捉鬼敢死隊》(Ghostbusters)、《寡佬飛行日記》(Up in the Air)等賣座喜劇監製,來頭絕對唔小!至於導筒,就交由《邊個波士唔抵死?》(Horrible Bosses)導演薛夫哥頓(Seth Gordon),搞笑功力毋庸置疑。

老嘢VS新仔 兩代型男救生員 點樣解救沙灘?

獻身於救人事業嘅「沙灘拯救隊」隊長米治(狄維莊遜 飾),同自以為是嘅新隊員麥仔(碩克艾佛朗 飾)前世撈亂骨頭,針鋒相對。與此同時,佢哋發現有犯罪集團正威脅沙灘安全,兩位唔啱咀形嘅大隻佬又會有咩對策?

1st Trailer : https://youtu.be/MbAlq0-F3S8

Facebook Comments