Home 休閒生活 中年100+

[Eliment FitLax] 中年100+

1239
分享

而家全世界都充斥一股健身、瘦身熱潮,周圍都可以見到有健碩型男索女既廣告牌。見到廣告入面有咁fit身型既model,有邊個會唔羨慕呀?希望自己都可以好似佢地咁,就諗住「的」起心肝去做運動。結果,買咗套新既運動裝備,唔係一直放係衣櫃,就係變咗去gym房打卡影相道具!其實每個操fit自己嘅人,背後都有著一樣嘅堅持同習慣。再加上一個好拍檔,要成為一個既有強健體魄,又擁有健康嘅型男索女,永遠都唔只係夢!

人生逆襲 中年100+
100呢個數字,好多人會認為係一個分數,代表滿分或完美! 對Yesmen今次專訪嘅嘉賓Paulo嚟講,就係代表一個中年嘅人生逆襲!Paulo 一年前仲係一個260磅嘅肥佬,用左唔夠一年嘅時間減左100磅!天呀!足足減左一個人咁多嘅重量!!!專訪當日嘅Paulo精神飽滿,非常有活力,一啲都睇唔出佢曾經係一個260磅嘅肥佬,望落去更似一個充滿自信嘅成功人士。其實有今天嘅Paulo,係因為佢走過一條不平坦嘅減肥之路!曾經嘅失望、沮喪、孤獨,造就咗今日嘅Paulo!而今日嘅佢,都未有停下來嘅想法,因為佢明白到健康始終係屬於自己及家人!

減肥都可以好勵志
到底係咩令到一個260磅既肥佬立定決心要減肥呢?原來Paulo 減肥呢個想法係由十年前開始。Paulo體重一直增加,令到行路開始腳痛。呢個時候,佢就意識到係時候要減肥啦!用咗9年時間去減肥,佢試過無數咁多個方法:做運動、做gym、節食等等…但係都未得到有明顯改善。

直到遇上西洋拳教練Dong,Paulo減肥既世界終於有少少唔一樣啦!Dong 唔單止係Paulo 嘅西洋拳教練,仲係減肥路上嘅好拍檔。睇住Paulo 同Dong 嘅交流同訓練,好似望住兩個認識多年嘅好朋友、好兄弟。唔單止非常合拍,每個動作仲係一氣呵成。Paulo 仲講笑咁話 同Dong嘅見面交流仲多過自己太太!Paulo 強調,佢同Dong係非常要好嘅拍檔,超越教練同客戶,甚至朋友嘅關係!

Paulo 每星期都會去Eliment Fitlax 同Dong 訓練4-5次,有規律到好似返工咁。當問到Paulo減肥心得嘅時候,Paulo同Dong一齊會心微笑。Paulo話非常感激Dong一直係身邊嘅支持同鼓勵,因為100+對佢嚟講一啲都唔容易!佢又話佢嘅減肥心得係非常有規律咁去堅持做一件開心嘅事,最緊要有個好拍檔!從前Paulo對西洋拳一竅不通,直到朋友介紹佢去Eliment Fitlax,搵到曹星如前教練Dong 學習西洋拳。本身打拳只係諗住一心減肥,到左而家竟然愛上了西洋拳!Dong稱讚Paulo打得幾好,仲話佢有潛質打擂台添!

最後,Paulo都補充,佢減肥嘅目標係要做一個健康的丈夫、一個健康的爸爸。因為發現減肥唔單止外表靚左、減輕腳痛,持續練習西洋拳令佢感到自己更年輕,更有活力!身體嘅病痛亦大大減少!而家100+對佢嚟講更加係一種責任!

Facebook Comments