健康小故事 之 <<商務客問空姐..>>
空姐:
先生,搭左14個小時飛機,知道您辛苦喇!
豐富的早餐又準備好喇,您想揀魚柳家雞扒呀?
商務客:
小姐,其實我真係唔係好食得落..
係香港已經食左成日野,
上飛機又食足成晚,
落機去到倫敦係朝早又繼續食野。
我好似連續食左3日野咁,我好亂….
空姐:
哈哈,先生我好明白你既感受。
我地都係做足準備,等乘客有充足的體力應付落機後的活動。
商務客:
其實我經常坐長途機,好擔心容易食多左肥左。
你地係點樣食法保持得咁FIT呢?
空姐:
其實好容易。你只要記住每食一餐,大概可以提供身體4-5小時的能量。
即大概相隔4-5小時食一餐都可以,或以小食代替。
同埋7成飽就可以喇。因為時差關係,係飛機時既新陳代謝率會較低。
加上係飛機都係長坐、低活動量,消化力都有所下降,您燃燒既能量都唔係好多。
食7成飽避免消化不良,更有助入睡,及預留quota比食多左的2-3餐。
商務客:
我可唔可以選擇完全唔食,瞓覺就算?
空姐:
冇問題,只要你沒有低血糖的問題就唔洗太過擔心。
最有效應付時差的放法是一到達目的地,便根據目的地既時間生活。
即係話,
例如到達目的地時是日間,你可以選擇係飛機食少d野,盡量瞓,如果肚餓時,可以食d水果、乳酪、牛奶等,到達目的地時如常3餐,待晚上才睡覺;
如果到達目的地時是晚間,你可以係飛機如常食用飛機餐,盡量唔好瞓。到達目的地後保持環境黑暗,盡量入睡。咁樣適應會舒服d。
當然每個人都有唔同既行程安排,你可以先參考下。
商務客:
但係d飛機餐咁好食,唔食咪好浪費?
空姐:
咁你可以落機後做下運動,釋放下能量。
商務客:
係喎!
空姐:
咁請問您而家食定唔食,要魚定雞呢?
商務客:
淨係比個餐包,水果同yogurt OK喇。
比多杯Coffee啦唔該!!
空姐:
Sure no problems!
Facebook Comments