Home 休閒生活 休閒娛樂 Lafit老闆娘:我想每人都能回憶收花時的感覺

Lafit老闆娘:我想每人都能回憶收花時的感覺

1364
分享
好多人到了大時大節時,例如畢業、情人節甚至結婚等等,都會會希望收到一束艷麗的花束,而且一想到花,大多數都想起最傳統的鮮花。時代變遷,現時市面上已經出現林林總總的花束,有乾花、香皂花、永生花和保鮮花。保鮮花在近幾年冒起,LAFIT就係其中一間受到不少顧客注目的保鮮花店。
Lafit 本身是一間網店,而賣保鮮花前身是賣時裝的,而Layla就是這店的老闆娘。「本身我自己係做緊marketing公司,成日都係對客,處理客戶問題,而自己亦有間IG網店係賣時裝。點解會有Lafit既誕生係因為自己本身好鍾意花,有一次有個朋友畢業,我想送束花比佢,點知睇極都睇唔岩,諗諗下不如自己親手整一束花送比佢,仲更加有心意,所以就開始嘗試下發展啦」一次的機緣次下,就成就了Layla對花的熱情。
「首先我係整保鮮花的擺設,點解會揀整保鮮花係因為保鮮花擺放既壽命可以擺二至三年,唔似鮮花擺兩、三日就謝,感覺好浪費。加上我覺得每一束花都係設計人的藝術,當人拎到束花影左一日相後就扔掉,好浪費心機。所以我整保鮮花原因係因為可以擺放好耐都唔凋謝,可以保留住,亦可以令每一個收到花既人,當望到束花都可以回憶起當初收到花的感覺。」Layla每一字一句都表達出對花的熱情,而且原來每一束花入面都有一個陶瓷花瓶,讓到收花者回家後都可以插起花束欣賞。
由網店成為實體店,Layla表示決心都很大,香港租金、客人要求等等都會令到她有猶豫,但幸好是客人的反應都給她很大的信心。「當初沒有想到原來會咁大回響,現時每天都要分一點時間黎覆信息,有時真係忙到想停一停,抖一抖。但有時係街上面見到有人拎住我岩岩整好既花,果下就會覺得好開心好滿足!」

(圖:每支花都是layla一手一腳穿鐵線,成為一支花。)

每一支保鮮花都需要後製,保鮮花是從日本進口,然後每一朵花都沒有花杆,而Layla就需要將每朵花連上鐵線,再用膠紙包好,每一朵花也是如此,加上要插花配色,每一束花都會用上幾小時來完成。
Layla 慨嘆有時候客人的不明白也會令到自己感到無奈:「因為保鮮花和鮮花、乾花最大不同的是,鮮花、乾花本身已經有一支完整的花支,它只需要修剪一下再和其他花配襯就已經成為一束花。但保鮮花要一支一支穿鐵線,再裝飾,時間和成本會高好多,客人有時都會問點解會咁貴,唔知道背後其實要做多好多野都會灰心,但好彩係好多客人都好尊重自己既設計,這一點就會好滿足!」

(圖:lafit的網頁)
一束花,是每一個設計者的心血。小編好喜歡Lafit背後環保的理念,加上每束花都能夠保存多年,能夠讓到人當見到束花時,就能回憶收到的那一刻感受,是每個少女夢寐以求的事。

詳細資料如下:

Lafit
地址:中環皇后大道中58-60號振邦大廈206室
Instagram:https://www.instagram.com/lafit_/

Facebook Comments